Rekstrarráðgjöf SVÞ hefur mælst vel fyrir og fyrirtæki af ólíkum toga hafa haft samband við samtökin.  SVÞ bendir á að við það að leita til samtakanna geta fyrirtæki ekki aðeins rætt tiltekinn rekstrarvanda, heldur fær félagsaðili tækifæri til að ræða almennt við ráðgjafa okkar en í slíku samtali þróast oft nýjar hugmyndir sem nýtast til framtíðar.

Samtökin árétta mikilvægi þess að félagsmenn komi með gögn sem fjalla þarf um svo yfirsýn fáist um tiltekið álitamál. Við leggjum mikla áherslu á gæði framlagðra gagna og sérstaklega þeirra sem félagsmenn okkar sýna bankastofnunum eða öðrum aðilum.

SVÞ vill að lokum taka fram að ráðgjafi samtakanna hefur mikla reynslu á sviði markmiðssetningar (coaching) og fyrirtæki geta notið góðs af því við stefnumörkun sína.

Nálgast má upplýsingar um þessa nýju þjónustu hér .