Sameinast um umferðarlagafrumvarpið

Samtök atvinnulífsins, Samtök iðnaðarins, Samtök ferðaþjónustunnar og Samtök verslunar og þjónustu hafa sameinast um að óska eftir því við samgönguráðherra að umferðarlagafrumvarpið verði ekki lagt fram fyrr en á vorþingi 2010. Fram að áramótum verði tíminn nýttur til að gera lagfæringar á þeim hluta frumvarpsins sem snýr að fólks- og vöruflutningagreininni og ágreiningur hefur staðið um. Ítrekað er í bréfi til ráðherra mikilvægi þess að vanda til verka í þeim tilgangi að skapa frið um málið.