Aukin dagvöruverslun í apríl

Velta í dagvöruverslun jókst um 1,1% á föstu verðlagi í apríl miðað við sama mánuð árið áður og um 22,7% á breytilegu verðlagi. Ekki hefur áður orðið raunaukning í veltu dagvöruverslunar á milli ára síðan um mitt síðasta ár. Ástæðuna má rekja til þess að í ár voru páskarnir í apríl en í fyrra voru þeir í mars. Ef veltuvísitala dagvöruverslunar er leiðrétt fyrir árstíðarbundnum þáttum varð samdráttur í veltu um 5,9% á milli ára. Verð á dagvöru í apríl lækkaði um 0,9% frá mánuðinum á undan. Hins vegar var verð á dagvöru 21,4% hærra í apríl síðastliðnum miðað er við apríl í fyrra. Sjá nánar á vef Rannsóknaseturs verslunarinnar.