Sverrir Ragnarsson – Kennari námskeiða SVÞ í vetur

Sverrir Ragnarsson er menntaður í alþjóðaviskiptum frá University of Denver. Hann hefur mikla reynslu af störfum í verslun og þjónustu, byrjaði ungur að vinna í verslunum föður síns, JMJ og Joe‘s, á Akureyri Hann þekkir því mjög vel til þeirra starfa sem daglega er tekist er á við í verslunum. Seinna lá leiðin til Haga þar sem Sverrir starfaði sem starfsmannastjóri sérvörusviðs og þaðan fór hann til Heklu þar sem hann starfaði sem þjónustustjóri. Reynsla Sverris af þessum störfum nýtist vel á námskeiðunum sem í boði verða. Í dag rekur Sverrir námskeiðs - og ráðgjafafyrirtækið Door Training & Consulting sem sérhæfir sig m.a. í sölunámskeiðum, þjónustunámskeiðum og stjórnendanámskeiðum. Sverrir vinnur við þjálfun stjórnenda og starfsmanna á vegum Door International m.a. hjá Sony, Microsoft og Philip Moris í Evrópu. Reynslan og þekking Sverris af þeirri vinnu mun nýtast vel á námskeiðunum sem boðið verður upp á hjá SVÞ í vetur.