Samgönguhópur innan BUSINESSEUROPE – Samtaka atvinnulífsins í Evrópu hélt árlegan fund sinn utan Brussel á Íslandi í þetta skiptið. Fimmtudaginn 6. júní var skipulagður fundur undir yfirskriftinni „Transport & Climate Change“ í Bláa lóninu þar sem umhverfisráðherra Þórunn Sveinbjarnardóttir var frummælandi. Hún kynnti þar framtíðarsýn sína um að Ísland verði  kolefnishlutlaust land.  Í máli hennar kom m.a. fram að á sviði samgangna stendur Ísland sig einna verst hvað varðar útblástur. Á árinu 2006 mátti rekja 23% af úblæstri kolefnis til samgangna og var aukningin á útblæstri gróðurhúsalofttegunda 17% hér á landi á milli áranna 2005 og 2006. Ræðu Þórunnar má finna hér en hún sagði m.a.:

 
Aðrir frummælendur á fundinum voru Sigurður Ingi Friðleifsson frá Orkusetrinu á Akureyri en hann kynnti stöðu Íslands hvað varðar samgöngur og útblástur. Næstur var Jón Bernódusson staðgengill forstöðumanns rannsókna og þróunarsviðs Siglingastofnunar Íslands og kynnti hann tilraunir stofnunarinnar til að ná samdrætti í útblæstri frá íslenska fiskiskipaflotanum auk þess sem hann kynnti möguleika Íslendinga á því að rækta repju til eldsneytisframleiðslu. Síðastur var Sveinn V. Ólafsson verkfræðingur hjá Flugmálastjórn en hann kynnti stöðu flugsins á Íslandi hvað varðar útblástur gróðurhúsalofttegunda og möguleg áhrif þess á atvinnugreinina að flugfélögin fari undir mengungarkvóta Evrópusambandsins eins og kynnt hefur verið.

Glærur frummælenda má finna hér:
Sigurður Ingi Friðleifsson
Jón Bernódusson
Sveinn V. Ólafsson

Fundarstjóri var Vilhjálmur Egilsson framkvæmdastjóri Samtaka atvinnulífsins en fundinn sátu m.a. fulltrúar frá samgöngu- og umhverfisráðuneyti, Vegamálstjóri, Siglingamálastjóri, forstjóri Umferðarstofu, formaður samgönguráðs og fulltrúar frá Flugmálastjórn auk hagsmunaaðila úr flutningagreininni og erlendra gesta samgönguhópsins.