Þú ert hérna: Forsíða
| Dönsk fyrirtæki setja sér siðferðisstefnu |
|
|
 Fjórðungur allra fyrirtækja í Danmörku hefur sett sér
siðferðisstefnu (etisk politik) sem er tvöföldun frá því fyrir fjórum árum segir
í frétt frá Jyllands-Posten. Með slíkri stefnu ákveða fyrirtæki að eiga ekki
viðskipti við hverja sem er né nota eða selja hvað sem er og gera þá kröfu til
samstarfsaðila sinna að þeir virði sömu sjónarmið innan sinna fyrirtækja.
Með flutningi framleiðslu og þar með skyldum og kröfum fyrirtækja og hins opinbera til landa þar sem vinnuafl er ódýrt hafa fleiri og fleiri fyrirtæki séð sig knúin til þess að bregðast við hættunni á því að lenda í neikvæðri umræðu eða tengslum við mengaða vöru eða ómanneskjuleg vinnuskilyrði framleiðenda í fjarlægum löndum. Tæplega helmingur fyrirtækja í tölvu- og rafeindargeiranum hafa sett sér siðfræðistefnu sem er töluvert forskot á fyrirtæki í annars konar atvinnurekstri. Þessi fjöldi skýrist af því að tölvu- og rafeindarfyrirtæki eiga meiri viðskipti við framleiðendur í Austurlöndum fjær en önnur fyrirtæki þar sem siðfræðikröfur eru aðrar en á Vesturlöndum.Fyrirtæki í matvælageiranum hafa einnig verið ötul við að setja sér siðfræðistefnu í takt við aukinn útflutning matvara m.a. til landa í fyrrum Austur Evrópu og aukið tillit til dýraverndunarsjónarmiða ásamt almennum siðareglum. |
