Matvöruverslanir eiga að læra af tískuverslunum

Matvöruverslanir standa frammi fyrir umbyltingu. Þær eiga að taka tískuverslanirnar sér til fyrirmyndar þegar kemur að lýsingu og öðru tengdu umhverfi og upplifun viðskiptavinarins í versluninni. Nota má stór skilti og ljósmyndir, nútímalega lýsingu og liti til að skapa réttu stemninguna segir í nýrri rannsókn um þróun smávöruverslunarinnar sem gerð var af EHI Retail Institude.  Sú tíð þegar matvöruverslanir lýstu allt húsnæðið með neonröraljósum í loftinu er liðin. Um alla Evrópu koma sífellt fram nýjar og spennandi innréttingar í matvöruverslanir þar sem mikið er lagt upp úr skemmtilegri lýsingu, svo sem díóðuljós (LED), skilti og stórar ljósmyndir. Gert er ráð fyrir að slík lýsing muni skapa stóran sess í sýningarbásum fyrirtækja á stórsýningu smávöruverslunarinnar, EuroShop 2008, sem haldin verður í Þýskalandi nú í febrúar þar sem sýndar eru nýjungar fyrir smásöluverslunina.  SVÞ hefur að venju efnt til hópferðar á sýninguna og hafa um 40 aðilar skráð sig í ferðina.