Gjafakortin hafa selst vel í Smáralind, Kringlunni og hjá Miðborg Reykjavíkur. Smáralind reið á vaðið með rafrænu kortin árið 2004 og Kringlan bættist í hópinn í fyrra. Miðborg Reykjavíkur er að bjóða upp á rafræn gjafakort í fyrsta sinn í ár. Þar segja menn að sala á gjafakortum hafi 12 faldast með tilkomu rafrænu kortanna. Svipaða sögu er að segja á öðrum stöðum.

Engar tölur liggja fyrir um nýtingu kortanna en tilfinning manna er að hún sé almennt góð. Á öllum þremur stöðum er mjög gott aðgengi að upplýsingum um stöðu kortanna og geta korthafar flett henni upp á heimasíðum viðkomandi aðila eða fengið upplýsingar símleiðis. Rafrænu kortin virka eins og debetkort nema að þau eru handhafakort og því ekki skráð á nafn og ekki með mynd né undirskrift korthafa.