Jólagjöfin í ár

Jólagjöfin í ár er GPS (Global positioning System) staðsetningartæki. Þetta er niðurstaða sérskipaðar dómnefndar sem hafði úr fjölda hugmynda að velja. Valið byggir á því að hún falli vel að smekk breiðs hóps neytenda auk þess sem eftirtaldar þrjár forsendur voru hafðar til hliðsjónar: - vara sem er vinsæl meðal neytenda - vara sem selst vel - vara sem fellur vel að tíðarandanum Íslendingar ferðast sem aldrei fyrr, hvort sem er akandi eða gangandi og kemur staðsetningartæki þá að góðum notum auk þess sem veiðimenn og langhlauparar hafa nýtt sér þessa tækni í ríkara mæli. Þetta er í annað sinn sem valið fer fram á Íslandi en löng hefð er fyrir því á hinum Norðurlöndunum.