Vinnandi vegur gengur vel - lokafrestur fyrirtækja til að skrá inn störf rennur út um mánaðarmót

Sameiginlegt átak stjórnvalda og aðila vinnumarkaðarins um fjölgun starfa fyrir langtímaatvinnuleitendur gengur vel. Í heild hafa nú verið skráð 1370 ný störf innan átaksins en ráðningar eru í fullum gangi og höfðu sl. föstudag 657 einstaklingar verið ráðnir.   Atvinnurekendur hafa frest út maí til að skrá störf inn í átakið á vef vinnumálastofnunar á slóðinni: http://www.vinnumalastofnun.is/vinnandivegur/. Þar velja fyrirtæki sér jafnframt vinnumiðlun til að sjá um ráðningarferlið og er sú þjónusta þeim að kostnaðarlausu.