| Enn um gengismál og verðlag |
|
|
 Enn og aftur hefur sprottið upp umræða um tengslin milli gengisþróunar og verðlags. Nú síðast kom ASÍ fram með þá fullyrðingu að þróun verðlags hefði á undanförnum mánuðum ekki verið í takt við gengisþróun.Af þessu tilefni skal það ítrekað enn og aftur að reynslan sýnir að verðlag í landinu þróast mjög í takt við gengisþróun. Það verða hins vegar deildar meiningar milli aðila um það hversu hratt verðbreytingar taka mið af gengisþróun. Svo hefur alltaf verið. Samtök launþega og samtök neytenda halda því fram með reglulegum hætti að verðlag aðlagi sig hægt að styrkingu á gengi krónunar, öfugt við það sem gerist þegar gengi hennar veikist.
SVÞ heldur því fram að það sé eðlilegt samhengi þarna á milli og sýnir
könnun sem Rannsóknarsetur verslunarinnar (RV) við Háskólann á Bifröst
fyrir nokkrum árum að svo er. Þarna er um að ræða einu vísindalegu
könnunina sem gerð hefur verið á þessum málum. RV er nú með í
undirbúningi nýja rannsókn um þetta sama atriði. |
