Margar fyrirspurnir voru lagðar fyrir fulltrúa ráðuneytisins á fundinum og ljóst að menn voru áhugasamir um útkomu fyrirhugaðra hugmynda um sameiningu stofnana. Það væri sameiginlegur hagur allra að vanda til verkefnisins og tryggja góðar vandaðar stofnanir þar sem fagmennska væri í fyrirrúmi og hagræðing næði fram að ganga. Ráðuneytisstjóri samgönguráðuneytisins fullyrti að það væri markmið breytinganna. Að búa til sterkari stofnanir til að tryggja fagmennsku og skilvirkni í störfum samgönguráðuneytisins og undirstofnana þess.

Flutningasviði SVÞ er verulega umhugað um útkomu fyrirhugaðrar sameiningar samgöngustofnana. Styður eindregið aukna hagræðingu og skilvirkni og hvetur alla þá sem að málinu koma að vanda til verka.