Fyrr í þessum mánuði sendu Neytendasamtökin frá sér frétt sem bar yfirskriftina „Hvers vegna lækkar ekki vöruverð?“ Í fréttinni var því haldið fram að verðlag innfluttra vara hefði ekki þróast í samræmi við þróun á gengi krónunnar. Það var jafnframt fullyrt í fréttinni að innflytjendur og/eða smásalar hefðu nýtt sér styrkingu krónunnar til að hækka álagningu sína.

Þessi framsetning Neytendasamtakanna er mjög gagnrýniverð, enda er það mikil samkeppni á öllum mörkuðum hér á landi að fullyrða má að verð hinna ýmsu vöruflokka mun aðlaga sig að breytingum á gengi krónunnar. Þar talar reynslan sínu máli. Þessi framsetning Neytendasamtakanna getur auk þess varla talist sanngjörn í ljósi þeirra erfiðleika sem veik staða krónunnar hefur skapað versluninni að undanförnu. Fullyrða má að verslunin hafi almennt tekið á sig verulega afkomuskerðingu vegna hinnar veiku stöðu krónunnar undanfarin misseri.

Hversu hratt áhrifa af styrkingu á gengi krónunnar gætir í vöruverði mun einkum ráðast af því um hversu veltuhraðar vörur er að ræða. Nýjustu mælingar sýna að til að mynda að innflutt matvæli, fatnaður og skór hafa þegar lækkað í verði sem verður rakið beint til þeirrar styrkingar sem orðið hefur á gengi krónunnar, sjá meðfylgjandi töflu (Heimild: Hagstofa Íslands).