| Fundur um fyrirhugaðar breytingar á samkeppnislögum |
|
|
 SVÞ stóð fyrir almennum félagsfundi föstudaginn 21. maí um frumvarp til breytinga á samkeppnislögum sem lagt hefur verið fram á Alþingi. Frummælandi á fundinum var Helga Melkorka Óttarsdóttir, hdl. hjá Logos lögmannsþjónustu, einn helsti sérfræðingur okkar í samkeppnisrétti.Fram kom hjá Helgu að frumvarpið, ef af lögum verður, mun færa Samkeppniseftirlitinu mjög víðtækar heimildir til að hlutast til um stjórnarskrárvarin réttindi á borð við eigna- og atvinnuréttindi. Það er alltaf mikið áhyggjuefni þegar víðtækt vald er framselt til framkvæmdarvaldshafa og það á ekki hvað síst við þegar verið er að véla um stjórnarskrárvarin réttindi, sérstaklega þegar slík heimild er jafnt almennt orðuð og í þessu frumvarpi. Kynning Helgu Melkorku Óttarsdóttur hdl.
Það sem um er að ræða og einkum veldur áhyggjum við frumvarpið er sú
heimild sem Samkeppniseftirlitið fær til skipta upp fyrirtækjum eða
fyrirskipa „breytingar á atferli og skipulagi“ og það án þess að
fyrirtæki hafi gerst sek um brot á samkeppnislögum, en slíkt er
skilyrði fyrir afskiptum af skipulagi fyrirtækja samkvæmt núgildandi
ákvæði. Fram kom á fundinum að margir félagsmenn SVÞ hafa miklar
áhyggjur af hinni fyrirhuguðu breytingu og telja að með henni sé verið
að færa Samkeppniseftirlitinu allt of víðtækt vald. |
