Samtök verslunar og þjónustu vinna nú að undirbúningi „viku verslunar og þjónustu“ sem hleypt verður af stokkunum á aðalfundi samtakanna þann 11. mars n.k. Mun átakið standa yfir dagana 11. til 17. mars.

Markmiðið er tvíþætt:

• að vekja athygli á mikilvægi verslunar og þjónustu, þeirrar atvinnugreinar þar sem u.þ.b. fjórði hver Íslendingur á almennum vinnumarkaði starfar
• að hvetja Íslendinga á jákvæðan og ábyrgan hátt til þess að „spila með“ og taka þátt í að snúa hjólum atvinnulífsins með því að eiga viðskipti við verslunar- og þjónustufyrirtæki.

Undirbúningur þessa átaks hefur verið í höndum stjórnar SVÞ og markaðsfólks frá auglýsingastofunni ENNEMM. Átakið hefur alls staðar fengið mjög jákvæð viðbrögð þar sem það hefur verið kynnt.  Það hlaut t.d. mjög góðar undirtektir á kynningarfundi sem haldinn var með fjölmiðlum í gær.

Til að kynna átakið fyrir félagsmönnum SVÞ er boðað til almenns félagsfundar hjá samtökunum  og verður hann haldinn föstudaginn 19. febrúar n.k. kl. 8:30.  Fundurinn verður haldinn á 6. hæð í Húsi atvinnulífsins, Borgartúni 35.

Markmiðið er að allir taki þátt í átakinu og allir græði á því.

Skráning á netfang: Þetta netfang er varið fyrir rusltölvupósti, þú þarft að hafa Javascript virkt til að skoða það

Aðalfundur SVÞ-Samtaka verslunar og þjónustu verður haldinn fimmtudaginn 11. mars nk. og hefst kl. 14:00 í Hvammi á Grand Hóteli. Yfirskrift fundarins er: Spilum saman

Í upphafi fundar flytur Andrés Magnússon framkvæmdastjóri SVÞ annál 2009 og því næst eru hefðbundin aðalfundarstörf. Að loknu kaffihléi er opin dagskrá sem hefst með ávarpi  Gylfa Magnússonar efnhags- og viðskiptaráðherra. Að loknu ávarpi ráðherra er ræða Margrétar Kristmannsdóttur formanns SVÞ.  Ásta Dís Óladóttir deildarforseti viðskiptadeildar Háskólans á Bifröst fjallar síðan um mikilvægi verslunar og þjónustu fyrir hagkerfið og fundinum lýkur með kynningu Halls A. Baldurssonar stjórnarformanni ENNEMM auglýsingastofu á átakinu "Vika verslunar og þjónustu". Dagskrá til útprentunar.

Að loknum aðalfundarstörfum verða léttar veitingar í boði SVÞ á Grand Hóteli.

Skráning á netfang: Þetta netfang er varið fyrir rusltölvupósti, þú þarft að hafa Javascript virkt til að skoða það eða í síma 511 3000.