Samstarfsvettvangur um samgöngumál í Húsi Atvinnulífsins, Borgartúni 35, 6 hæð,  boðar til fundar  þann 30. ágúst nk. kl. 9:00 – 11:00.  Fundurinn er tvískiptur og geta gestir setið annað eða bæði erindin.

Dagskrá fundar:

• 9:00 – 9:45  Hvítbók ESB;  Stefna í samgöngumálum til ársins 2050. 
  Birna Hreiðarsdóttir, lögfræðingur,  Innanríkisráðuneytinu, greinir frá Hvítbók ESB, stefnuyfirlýsingu Evrópusambandsins í samgöngumálum og sameiginlegri umsögn EFTA ríkjanna.
• 10:00 – 11:00  Solas Polar Code - breytingar á kröfum til skipa sem sigla um heimskautasvæðið
  Ólafur Briem, Siglingastofnun, kynnir og gerir grein fyrir þeim breytingum sem fram undan eru.  

Fyrri hluti fundarins er ætlaður þeim sem starfa á sviði samgangna og flutninga,  hvort heldur er á lofti, láði eða legi en seinni hluti fundarins  þeim sem eiga hagsmuna að gæta varðandi skipasiglingar  um eða við heimskautasvæðið.

Fundarstaður:  Borgartún 35, 6. hæð.  

Nánari upplýsingar og skráning  á Þetta netfang er varið fyrir rusltölvupósti, þú þarft að hafa Javascript virkt til að skoða það og Þetta netfang er varið fyrir rusltölvupósti, þú þarft að hafa Javascript virkt til að skoða það  

Dagskrá til útprentunar.

Á Samgönguþingi þann 19. maí sl. kynnti innanríkisráðherra skipan starfshóps sem mun hafa  það hlutverk að gera tillögur um hvernig standa megi að því að koma á strandsiglingum að nýju.

Á vef Innanríkisráðuneytisins segir  ennfremur að hópnum sé ætlað að skoða mögulega flutninga, greiningu á skipakosti, áætluðum rekstrarkostnaði útgerða, viðkomuhöfnum, tíðni ferða, áætlun um sjálfbær flutningsverð og öðrum þeim atriðum sem skipt geta máli.

Til hliðsjónar geti hópurinn nýtt sér þær skýrslur og greinargerðir sem fyrri starfshópar hafa lagt fram. Nánari útfærsla á verkefni hópsins verður lögð fram á fyrsta fundi hans í formi verkefnaáætlunar en honum er ætlað að skila niðurstöðum sínum fyrir 1. nóvember 2011.