Það er skylda bæjaryfirvalda á Akureyri að vinna að eins hagkvæmu samgöngukerfi og kostur er sagði bæjarstjóri Akureyrar Hermann Jón Tómasson m.a. í erindi sínu á fundi í Húnaveri um mögulegar styttingar leiða á norðurlandi á laugardaginn.

Fundinn sóttu rúmlega 30 manns og spunnust líflegar umræður um skipulags- og samgöngumál þar sem sitt sýndist hverjum.

Hver á að ákveða hvort að þjóðvegur númer 1 verður styttur eða ekki? Kemur okkur við að möguleg stytting hringvegarins á milli Reykjavíkur og Akureyrar er afgreidd út af borðinu án þess að við fáum að vita af því?

Stytting leiða á norðurlandi, gerð aðalskipulags og samgönguáætlunar er yfirskrift fundar sem áætlað er að halda í Húnaveri laugardaginn 10. október næstkomandi. Til fundarins hafa verið boðaðir m.a. þingmenn norðurlandskjördæma, samgönguráð og fulltrúar sveitarfélaga á svæðinu.

Leið ehf. og Atvinnuþróunarfélag Eyjafjarðar boða til opins fundar um vegamál á Norðurlandi, mögulegar vegstyttingar milli landshluta, gerð aðalskipulags ofl. í Húnaveri í Langadal, laugardaginn 10. október nk. og hefst hann kl. 13:15. Fundurinn er opinn öllum.

Auðunn Hálfdánarson verkfræðingur hjá Vegagerðinni í Borgarnesi mun mæta á fundinn en það lá ekki fyrir þegar gengið var frá dagskránni.

Hér má nálgast dagskrá fundarins.