Bættar samgöngur - hvað er í veginum?
Háskólinn á Akureyri boðar til fundar um samgöngumál í húsnæði háskólans föstudaginn 19. mars kl. 13:00 - 16:00. Auglýsing með nánari upplýsingum um fundinn er að finna hér. Markmiðið er að setja fókus á þennan mikilvæga málaflokk og tryggja umræðu um hann og ekki síður að vekja athygli á og umræður um hvernig honum er fyrirkomið í kerfinu. Erindi fundarins snerta alla sem á annað borð hafa áhuga á að ná fram samgöngubótum í landinu.

Flutningasvið SVÞ hefur ítrekað reynt að vekja máls á þeim mikilvæga málaflokki sem samgöngur í landinu eru.

Stytting vegalengda á milli helstu staða bætir samkeppnisstöðu atvinnulífs á landsbyggðinni og eykur hagkvæmni og þægindi hins almenna vegfaranda.

Í kynningarbæklingi um núgildandi samgönguáætlun segir m.a. að stuðlað skuli að styttri ferðatíma með vegbótum svo sem styttingum. Þrátt fyrir þetta skýra markmið er lögum í landinu þannig fyrirkomið að engin trygging er fyrir því að mögulegar styttingar á grunnnetinu komi fyrir sjónir almennings.