|
19. mars 2010 |
 Samgöngur eru dæmi um málaflokk er varðar okkur öll miklu. Að nýta sér samgöngur er órjúfanlegur hluti af daglegu lífi okkar flestra. Við ferðumst á milli heimilis og vinnu, við eigum samskipti við aðra, hvort sem það er í viðskipta- eða einkaerindum, við ferðumst um landið eða á milli landa. Atvinnulífið á hverjum stað, framleiðsla, verslun, ferðaþjónusta byggir tilvist sína á því að koma fólki eða vörum á milli staða. Allt fellur þetta undir samgöngur.
Greiðar og öruggar samgöngur skipta sköpum um samkeppnishæfni, hvort sem um er að ræða fyrirtæki á markaði eða þjóða í milli. Samgöngur innifela ekki bara vegakerfið, heldur falla þar undir hafnir landsins og flugvellir.
|
|
Lesa meira...
|
Fréttir
Frumvarp til skipulagslaga hefur verið lagt fram á Alþingi. Flutningasvið SVÞ hefur ítrekað fjallað um mikilvægi þess að kalla eftir heildstæðri sýn í samgöngumálaflokknum og að góð og gild markmið samgönguáætlunar næðu í framkvæmd. 
Mikael Tal Grétarsson forstöðumaður útflutnings hjá Icelandair Cargo hefur tekið við formennsku fagnefndar flutningasviðs Samtaka verslunar og þjónustu. Mikael tekur við af Guðmundi Nikulássyni framkvæmdastjóra innanlands hjá Eimskip eftir þriggja ára formennsku. Mikael kemur frá flughluta flutningasviðsins sem forstöðumaður hjá Icelandair Cargo og er ekki að efa að það mun hafa áhrif á starfsemi sviðsins. 
