Í síðasta fréttabréfi var upplýst um nýja námsbraut í flutningafræði sem fer í gang í Opna háskólanum í Háskólanum í Reykjavík eftir áramótin. Kynningarfundur verður haldinn um þessa nýju námsbraut á 6. hæð í Húsi atvinnulífsins miðvikudaginn 18. nóvember næstkomandi kl. 08:30. Á fundinum gefst tækifæri til að fá upplýsingar um hvað stendur til að kenna á þessari námsbraut og hvaða áherslur verða lagðar.

Umsjónarmenn námsins þeir Kristján M. Ólafsson hagverkfræðingur og Thomas Möller hagverkfræðingur og MBA kynna námið.

Eru allir sem áhuga hafa eindregið hvattir til að mæta. Vinsamlegast skráið ykkur á fundinn með því að senda upplýsingar um nafn og fyrirtæki á netfangið Þetta netfang er varið fyrir rusltölvupósti, þú þarft að hafa Javascript virkt til að skoða það eða á Þetta netfang er varið fyrir rusltölvupósti, þú þarft að hafa Javascript virkt til að skoða það

Auglýsingu frá HR er að finna hér.

Samgöngur eru og verða eitt mikilvægasta hagsmunamál Íslendinga hvort heldur horft er á búsetu almennings eða atvinnustarfsemi. Bættar samgöngur eru brýnar til að auka samkeppnishæfni atvinnulífs um allt land. Þegar ljóst var hvert stefndi í þessum málaflokki í sumar,  skoraði flutningasvið SVÞ á stjórnvöld að leita nýrra lausna í málaflokknum í stað þess að leggja árar í bát. Samfélagið okkar hefur orðið fyrir áfalli en það hefur ekki lagst af og við viljum ekki að áfallið leiði okkur aftur til fortíðar.

Sjá grein sem birtist í Vikudegi 29. okt. 2009 hér... Samgöngumál eru forgangsmál.