|
|
18. maí 2011 |
 Á vordögum kom út Hvítbók í samgöngumálum en hennar hefur verið beðið síðan fyrir jól enda áætlaður útgáfudagur um miðjan desember. Yfirskrift Hvítbókar er; Eitt evrópskt samgöngusvæði og miðar stefnumörkun að því takmarki sé náð.
Síðan Hvítbók í samgöngum var birt árið 2001 hefur miklu verið áorkað í samgöngumálum, s.s. eru markaðir opnari t.d. í flugi (The Single European Sky), á vegum og lestarkerfi að hluta, samgöngur eru öruggari og vinnuskilyrði víða bætt svo fátt eitt sé talið.
Í Hvítbók nú hefur verið mótuð framtíðarstefna Evrópusambandsins í málaflokknum til ársins 2050, í lofti og á láði og legi. Lögð er áhersla á að góðar samgöngur séu grundvallaratriði fyrir hagkerfi og samfélög í heild sinni. Mikil áhersla er lögð á að flutningastarfsemi sé lykilatriði fyrir hagkerfi Evrópu enda stuðli flutningar að vexti hagkerfisins og sköpun starfa. 10 milljónir manna starfa við samgöngur innan sambandsins og skila 5% af vergri landsframleiðslu þess (GDP) svo skýrt er að málaflokkurinn er mikilvægur í því ljósi segir í Hvítbók.
|
|
Lesa meira...
|
|
|
07. maí 2011 |
Félagsfundur um lánamál var haldinn fyrir Landssamband vörubifreiðaeigenda miðvikudaginn 4. maí sl. kl. 20:00. Um 20 félagar í sambandinu mættu á fundinn og var mikil ánægja með þær framsögur sem fluttar voru og þær umræður sem áttu sér stað.
Gestir fundarins voru Birgir Rúnólfsson, deildarstjóri í lánaeftirliti Íslandsbanka, Ingvar Stefánsson, forstöðumaður fjármögnunar Íslandsbanka og Páll G. Þórhallsson, lögfræðingur.
Birgir fjallaði um leið í skuldaaðlögun, Beinu brautina, en aðilar þess samkomulags eru m.a. SA, efnahags- og viðskiparáðuneytið, fjármálaráðuneytið, bankar og önnur fjármálafyrirtæki.
Ingvar tók við að honum loknum og kynnti m.a. nýgenginn héraðsdóm um fjármögnunar-leigu. Að loknum framsögum var opnað fyrir spurningar.
Glærur með efni fundarins má nálgast hér.
|
|
|
30. apríl 2011 |
|
 Félagsfundur um lánamál verður haldinn fyrir Landsamband vörubifreiðaeiganda miðvikudaginn 4. maí kl. 20:00 í Húsi atvinnulífsins, Borgartúni 35, 6. Hæð.
Gefið verður yfirlit yfir þessi mál í heild sinni og stöðu þeirra nú, þ.m.t. þeirra dómsmála sem gengið hafa og áhrif hafa á stöðu einstakra lána.
Gestir fundarins verða: Ingvar Stefánsson, forstöðumaður fjármögnunar Íslandsbanka og Birgir Rúnólfsson, deildarstjóri í lánaeftirliti Íslandsbanka.
Fundarstjóri: Andrés Magnússon, framkvæmdastjóri SVÞ
Skráning hjá
Þetta netfang er varið fyrir rusltölvupósti, þú þarft að hafa Javascript virkt til að skoða það
eða í síma 511 3000
|
|
|
01. mars 2011 |
|
 Haldinn var opinn upplýsingafundur um stöðu menntunar í flutningagreinum föstudaginn 25. febrúar sl. Fundinn skipulögðu fulltrúar SVÞ í starfsgreinaráði samgöngu-, farartækja- og flutningsgreina ásamt SVÞ. Meginmarkmið fundarins er að vekja áhuga á námi í flutningagreininni innan formlega skólakerfisins hér á landi og undirstrika mikilvægi þessarar faggreinar til framtíðar á Íslandi. Fundurinn var vel sóttur en hann sátu um 60 einstaklingar, starfsfólk í greininni, fulltrúar stjórnsýslunnar og skólakerfisins og áhugafólk um flutninga auk annarra.
Fundinn setti Andrés Magnússon framkvæmdastjóri SVÞ. Hann fjallaði um flutningagreinina og mikilvægi flutninga í heild sinni. Þ.m.t. undirstrikaði hann mikilvægi menntunar í greininni svo hún hefði alla burði til að vaxa í takt við kröfur verslunar- og þjónustufyrirtækja. Þau erindi sem á eftir fylgdu voru áhugaverð og vel framsett og vöktu miklar umræður í lok fundar.
Fundarstjóri var Ólafur Finnbogason, Íslandspósti.
Glærur fyrirlesara má nálgast hér :
„Frá Brasilíu til Búðardals“
Auður Þórhallsdóttir fulltrúi SVÞ í starfsgreinaráði samgöngu-, farartækja- og flutningsgreina
Hvað þarf til að verða forstjóri flutningafyrirtækis?
Emil B. Karlsson forstöðumaður Rannsóknaseturs verslunarinnar
Hvaða möguleikar eru í stöðunni?
Jón B. Stefánsson skólameistari Tækniskólans
Diplómanám í flutningafræðum við Opna háskólann í HR
Kristján M. Ólafsson hagverkfræðingur, rekstrarráðgjafi hjá Netspor og stundakennari við HR
Ísland í lykilhlutverki í samgönguneti framtíðar
Húni Heiðar Hallsson lögfræðingur og heimskautaréttarfræðingur
|
|
|
<< Byrja < Fyrri 1 2 3 4 5 6 7 8 9 10 Næsta > Endir >>
|
| Úrslit 13 - 16 af 115 |
Fréttir
