|
23. nóvember 2007 |
 Bæklingurinn Jólaverslun 2007 var gefinn út þann 13. nóvember síðastliðinn af Rannsóknarsetri verslunarinnar. Hann er ætlaður stjórnendum verslana og annarra þjónustufyrirtækja til þess að auðvelda jólaundirbúninginn. Í honum er að finna áhugaverðar upplýsingar um jólaverslunina bæði til gagns og gamans. Bæklinginn má nálgast hér .
Rannsóknasetur verslunarinnar spáir því að vöxtur í jólaverslunin verði 9,4% miðað við síðustu jól á breytilegu verðlagi. Það jafngildir því að velta umfram meðaltal ársins verði um 14 milljarðar vegna jólanna eða um 45.500 kr. á hvert mannsbarn.
|
|
23. nóvember 2007 |
|
 Velta í dagvöruverslun jókst um 10,5% í október síðastliðnum miðað við sama mánuð í fyrra á breytilegu verðlagi. Á milli mánaðanna september og október jókst velta dagvöruverslunar um 2,2%, sem felur í sér viðsnúning frá mánuðinum þar á undan þegar veltan minnkaði um rúmlega 9%. Verð á dagvöru hækkaði um 1% á milli mánaðanna samkvæmt verðmælingum Hagstofu Íslands. Aukning varð í veltu flestra annarra tegunda smásölu í október.
Nánar...
|
|
23. nóvember 2007 |
 SÞV – Samtök verslunar og þjónustu, Efling, ASÍ, VR og Alþjóðahús eru sameiginlega að vinna að útgáfu barmmerkja fyrir starfsfólk verslana, sem eiga reyna að sporna við fordómum í garð útlendra starfsmanna verslana hér á landi. Fyrr í haust var mikil umræða í fjölmiðlum um neikvætt viðmót sumra Íslendinga við starfsfólk sem er af erlendu bergi borið og vinnur í þjónustustörfum. Í verstu tilfellunum gengu viðskiptavinir jafnvel út er þeir komust að því að starfsmaður verslunarinnar talaði ekki góða, eða alls enga íslensku.
Merkin verða tekin í notkun næstu daga og munu vonandi vekja athygli á þessu brýna málefni. Strax eftir áramót verður svo sett af stað auglýsingaherferð á vegum AUGA fyrir Mannréttindastofu þar sem verður tekið á mismunun fólks í samfélaginu.
|
|
<< Byrja < Fyrri 211 212 213 214 215 216 217 218 219 220 Nćsta > Endir >>
|
| Úrslit 646 - 648 af 818 |
