Eins og við mátti búast varð frumvarp til breytinga á lögum um vörugjald að lögum á Alþingi fyrir jól. Þrátt fyrir alla þá gagnrýni sem SVÞ og flestir aðrir hagsmunaaðilar höfðu uppi, bæði í umsögnum til þingsins og á fundum með efnahags- og viðskiptanefnd þingsins, rann frumvarpið í gegn. Eins og áður hefur verið nefnt hér á þessum vettvangi má fullyrða að ekkert af þeim markmiðum sem sett voru við endurskoðun laganna hafi gengið eftir.
Eftir þessar breytingar eru lögin flóknari og ósanngjarnari en áður. Við breytinguna verður framkvæmd laganna mun dýrari en áður, sem m.a. sést af því að gert er ráð fyrir þremur nýjum stöðugildum hjá embætti Tollstjóra til þess að hafa umsjón með framkvæmdinni. Þess utan hefur öllu sem heitir manneldismarkmið verið kastað fyrir róða þar sem ekki er gert ráð fyrir að neysla á vörum sem innihalda sykur muni breytast að neinu leyti.
SVÞ hafa sent erindi á bæði Landspítala og Ríkiskaup þar sem vakin er athygli á ágöllum í framkvæmd hins opinbera vegna rammasamninga um lyfjakaup. Svo virðist sem bæði séu þessir samningar ekki efndir að öllu leyti af hinu opinbera í samræmi við markmið þeirra og orðalag sem og að verulega halli á seljendur varðandi úrræði vegna vanefnda hins opinbera. Skora SVÞ því á hið opinbera að bætt verði tafarlaust úr þessum ágöllum.
SVÞ hafa að undanförnu borist ábendingar frá aðildarfélögum
samtakanna varðandi framkvæmd og eftirfylgni hins opinbera með
rammasamningum um lyfjakaup. Er um að ræða samninga sem komast á í
kjölfar opinbers útboðs og fela í sér að kaupandi skuldbindur sig til að
kaupa tiltekið hlutfall af lyfjum, að jafnaði 80%, af seljanda á hverju
samningstímabili. Samhliða þessum kaupum eru lagðar ýmsar
skuldbindingar á herðar seljendum.
TAKIÐ DAGINN FRÁ
Aðalfundur SVÞ verður haldinn fimmtudaginn 21. mars nk. milli 14-17 í Gullteigi, Grand Hóteli.
Fundurinn verður með hefðbundnu sniði, almenn aðalfundarstörf fyrir kaffihlé og fyrirlestrar eftir hlé í samræmi við þema fundarins sem verður kynnt síðar. Við hvetjum félagsmenn til að taka daginn frá og fjölmenna á aðalfundinn.
Eins og við mátti búast varð frumvarp til breytinga á lögum um vörugjald að lögum á Alþingi fyrir jól. Þrátt fyrir alla þá gagnrýni sem SVÞ og flestir aðrir hagsmunaaðilar höfðu uppi, bæði í umsögnum til þingsins og á fundum með efnahags- og viðskiptanefnd þingsins, rann frumvarpið í gegn. Eins og áður hefur verið nefnt hér á þessum vettvangi má fullyrða að ekkert af þeim markmiðum sem sett voru við endurskoðun laganna hafi gengið eftir.
SVÞ hafa sent erindi á bæði Landspítala og Ríkiskaup þar sem vakin er athygli á ágöllum í framkvæmd hins opinbera vegna rammasamninga um lyfjakaup. Svo virðist sem bæði séu þessir samningar ekki efndir að öllu leyti af hinu opinbera í samræmi við markmið þeirra og orðalag sem og að verulega halli á seljendur varðandi úrræði vegna vanefnda hins opinbera. Skora SVÞ því á hið opinbera að bætt verði tafarlaust úr þessum ágöllum.
TAKIÐ DAGINN FRÁ
