Verslun og viðskipti er yfirskrift norræna skjaladagsins nk., laugardag 12. nóvember
Norræni skjaladagurinn verður haldinn hátíðlegur hjá Þjóðskjalasafni og mörgum héraðsskjalasöfnum landsins á laugardaginn kemur, 12. nóvember. Opinber skjalasöfn á Norðurlöndum sameinuðust árið 2001 um þennan árlega kynningardag, annan laugardag í nóvember. Í ár er viðfangsefni dagsins verslun og viðskipti. Markmiðið er að vekja athygli og áhuga á rannsóknum á verslunar- og hagsögu, beina athygli að heimildum sem koma að gagni við slíkar rannsóknir og þeim skjalasöfnum sem varðveita þau gögn.

Dagskrá skjaladagsins.

Haldin var fjölþjóðleg ráðstefna þar sem fjallað varum úrræði til að efla litlar verslanir á landsbyggðinni á Húsavík 8. nóvember sl. Á ráðstefnunni voru kynntar niðurstöður þriggja ára samstarfsverkefnis um málefni dreifbýlisverslana sjö þjóða á norðurslóðum (Íslands, Finnlands, Noregs, Færeyja, Norður-Írlands, Írlands og Skotlands). Rannsóknasetur verslunarinnar er umsjónaraðili verkefnisins hér á landi.

Tilgangur verkefnisins er að greina hvaða stuðningsaðgerðir koma sér best fyrir þessar verslanir, ekki síst á vegum sveitarstjórna og annarra stjórnvalda, og koma á fót varanlegri þjónustu til að styðja við litlar verslanir og er verkefninu ætlað að styrkja og efla hæfni þessara aðila til að reka verslanir í dreifbýli.