Sala á farsímum og tölvum jókst um fjórđung 15. mars 2013 Samkvæmt mælingum RSV í febrúarmánuði dróst velta í dagvöruverslun saman um 1,2% á föstu verðlagi í febrúar miðað við sama mánuð í fyrra og jókst um 4,4% á breytilegu verðlagi. Leiðrétt fyrir árstíðabundnum þáttum jókst velta dagvöruverslana í febrúar um 1,1% frá sama mánuði í fyrra. Verð á dagvöru hefur hækkað um 5,8% á síðastliðnum 12 mánuðum.   Sala áfengis jókst um 0,5% í febrúar miðað við sama mánuð í fyrra á föstu verðlagi og jókst um 1,7% á breytilegu verðlagi. Leiðrétt fyrir árstíðabundnum þáttum jókst velta áfengisverslunar í febrúar um 3,4% frá sama mánuði í fyrra.  Verð á áfengi var 1,2% hærra í febrúar síðastliðnum en í sama mánuði í fyrra.   Fataverslun minnkaði um 2,8% í febrúar miðað við sama mánuð í fyrra á föstu verðlagi en jókst um 3,0% á breytilegu verðlagi á sama tímabili. Leiðrétt fyrir árstíðabundnum þáttum jókst velta fataverslunar í febrúar um 2,1% frá sama mánuði í fyrra. Verð á fötum hækkaði um 6,0% frá sama mánuði fyrir ári.     Fréttatilkynning RSV. Lesa meira...   Kvótar vegna innflutnings á landbúnađarvörum – álit umbođsmanns Alţingis 13. mars 2013 Fréttatilkynning frá SVÞ send fjölmiðlum 13.3.2013 Settur umboðsmaður kvað upp þann 12. mars sl. álit sitt í máli þar sem SVÞ kvörtuðu undan því að sjávarútvegs- og landbúnaðarráðuneyti, nú atvinnuvega- og nýsköpunarráðuneyti, virti ekki skyldu sína til að auglýsa tollkvóta vegna lambakjöts og matareggja. Um er að ræða skuldbindingar samkvæmt samningi um stofnun Alþjóðaviðskiptastofnunarinnar (WTO). Bentu samtökin á að lögum samkvæmt er íslenska ríkinu skylt að leyfa umræddan innflutning. SVÞ töldu rökstuðning ráðuneytis fyrir synjun sinni vera verulega ábótavant og engar haldbærar skýringar gefnar fyrir þeirri ákvörðun. Niðurstaða umboðsmanns er í stuttu máli sú að ráðuneytið hafi ekki fært viðhlítandi rök fyrir þeirri afstöðu að ráðuneytinu beri ekki skylda að lögum til að úthluta tollkvóta vegna innflutnings á ferskum eggjum. Upphaflega varðaði kvörtunin einnig innflutning á lambakjöti en þar sem ráðuneytið bauð út tollkvóta á þeirri vöru árið 2012 fjallaði umboðsmaður ekki um þann hluta kvörtunarinnar. Lesa meira...   Innflutningur á hráu kjöti – álit ESA 11. mars 2013 Á dögunum sendi ESA frá sér það álit að bann sem er í íslenskum matvælalögum og lögum um varnir gegn dýrasjúkdómum, við innflutningi á hráu ófrosnu kjöti væri í andstöðu við gildandi Evrópulöggjöf. Álit ESA byggist einkum á því að umrætt bann fari gegn ákvæðinu um frjálst flæði vöru, sem er eins og kunnugt er einn af hornsteinum EES samstarfsins. Álit ESA kemur í kjölfarið á kvörtun sem SVÞ sendi til stofnunarinnar eftir að frumvarpið svohljóðandi hafði verið samþykkt sem lög frá Alþingi. Eins og komið hefur fram í fjölmiðlum hefur rökstuðningur stjórnvalda fyrir þessu banni byggst á annars vegar smiti sem upp kom á 19. öld eftir að sauðfé á fæti hafði verið flutt til landsins. Rökin byggðust einnig á meintu smiti sem upp kom við innflutning á dýrahúðum. Lesa meira...

<< Byrja < Fyrri 1 2 3 4 5 6 7 8 9 10 Nćsta > Endir >>

Úrslit 22 - 24 af 924