Rannsóknasetur verslunarinnar hefur gefið út árlega spá um jólaverslunina og valin hefur verið „Jólagjöfin í ár“ af sérskipaðri dómnefnd. Helstu niðurstöður eru eftirtaldar:

Samkvæmt tilkynningu frá Rannsóknasetri verslunarinnar dróst velta í dagvöruverslun saman um 1,9% á föstu verðlagi í október miðað við sama mánuð í fyrra og jókst um 2,9% á breytilegu verðlagi. Leiðrétt fyrir árstíðabundnum þáttum dróst velta dagvöruverslana í október saman um 0,1% frá sama mánuði í fyrra. Verð á dagvöru hefur hækkað um 4,8% á síðastliðnum 12 mánuðum.

Vegna villu í innsendum gögnum var velta í fata- og skóverslun vanmetin í smásöluvísitölunni í fyrstu frétt. Hið rétta er að fataverslun dróst saman um 0,2% í október miðað við sama mánuð í fyrra á föstu verðlagi en ekki 20% eins og áður var sagt.

Þann 7. nóvember afhentu Félag atvinnurekenda, Frumtök og SVÞ-Samtök verslunar og þjónustu Guðbjarti Hannessyni velferðarráðherra skýrslu með greiningu hagsmuna á íslenskum lyfjamarkaði sem þessir hagsmunaaðilar hafa gert og snýr einkum að þáttum tengdum innflutningi, dreifingu, framleiðslu og smásölu lyfja.

Með greiningunni vilja hagsmunaaðilarnir draga fram ýmsa þætti sem þeir telja nauðsynlegt að breyta til að auka samkeppni og skilvirkni og bæta starfsumhverfi þeirra sem starfa á lyfjamarkaðinum.